Tuesday, June 25, 2013

ඔ යා | ම ම | අ පි | අ පේ ආ ද ර ය

මගේ හිතත්
දැන් හරියට
උසාවිය,පොලීසිය
වගෙයි...

දවස පටන් ගන්නෙත්,
දවස ඉවර වෙන්නෙත්
ප්‍රශ්න වලින්...

ඒත් මට ඕන
මගේ හිත
පන්සලක් කරන්න...

අපි දෙන්නගෙ
ආදරේ වෙනුවෙන්
හැමදාම
මල් පහන් පූජා වෙන,
සෙත් පිරිත් නිතර ඇහෙන...

ඔයා
ඒ පන්සලේ
එකම දායිකාව,
එකම උපාසිකාව
වෙන්න...

හැමදාම
සිල් සමාදන්
වෙන්න...
භාවනා
කරන්න...

ඉතින්
ඔයා එනවා නේද
පන්සල හදන්න
මුල් ගල තියන්න...

මම
මග බලන් ඉන්නවා
නැකත් සීට්ටුව
හදන්න...

Wednesday, June 19, 2013

ඔබට මතකද
ඔය ආදරේ වෙනුවෙන්
සතුටු කඳුලක්
මේ ඇස් දෙකෙන් වැටුනා...

අදත් ඒ වගෙම කඳුලක්
දුකට මේ ඇස් දෙකෙන් වැටුනා...
හැබැයි වෙනදට වඩා මට අද
ලුණු රස වැඩිවෙන්න දැනුනා...

ඔ බ | ම ගෙ ම යි



සිතුවේ වත් නැති දිනෙක
නුපුරුදු නුඹව
මට සුපුරුදුම තැනකදි
හමුවුනා...

පුරුද්දට වගේ
හැමදාකමත්
සුපුරුදු ලෙසින්
අප හමුවුනා...

මටත් නුපුරුදු
ආදරේ නුඹ
විටින් විට මට
හුරු කලා..

පුරුදු ආදරේ
නැතිඋනෙන් මට
නුහුරු දුක අද
හිමිවෙලා...

පුරුදු විදියට
සතුටින්ම ඉන්න මගේ පණ
ආදරෙයි මම
පෙරටත් වඩා..
නුඹේ හදගැස්ම පවා
ඔය පපුවට තුරුලුවී මම වින්දා...
දකින සිහිනෙකින් පවා
නුඹ ලඟටම වී මම උන්නා...
හෙලන සුසුමකින් පවා
නුඹේ සුවඳ මට දැනුනා...
ඇත්තමයි මගේ ජීවිතේම
නුඹවමයි මට දැනුනා...

Tuesday, June 18, 2013

එදා අපි 
ඇවිදන් විත් 
වැටී සිටියේ 
ගස් දෙක ලඟ 
ඔහේ

නිල් කඳු යායම 
නුඹේ උනත්
පොප්ලර් ගස් දෙක නම් 
මගේ....

සෙවනල්ල වාගේ
ලඟින් ඉන්නට
තවත් කවුරුත්
නෑ ඉතින්...

මෙතුවක් කල්
ලැබුන සෙනෙහස
නැතිව ඉනු
කෙලෙසක ඉතින්...

මගේමැයි සිතු
මැණික වෙනතක
යන්න යනවලු ඉතින්...

හදවතත් සිතත්
නැවතී මියදූනානම් යයි
සිත කොඳුරයි
සෙමින්...

feeling - ආදරේ මා නිවාලයි....

වලාකුලක්
නැති
අහසට...

වස්සානයේ
බලාපොරොත්තුව
වෙන්න...

වෙනදාටත්
වැඩි
ආදරයෙන්..

අවසානය තෙක්
මා ලඟින්ම
ඉන්න...

මතකයන් අතර
අමතක නොවී
ඉන්න...

පුලුවනිද නුඹට
පොරොන්දු වෙන්න..
 
විඳින්න තියෙන ජීවිතේ විඳවන්න වෙලා තියෙන්නේ සල්ලි නිසා...

අපි හිත හදාගන්න කියනවා 


"තුහ්... බල්ලොත් නොකන සල්ලි"  කියලා...

ඔව්.. සල්ලි නැත්නම් බල්ලෙක් වත් අපි දිහා බලන්නේ නෑ තමයි..

Monday, June 17, 2013

i know that you should use more focusing points to get better shots of me (inside) — feeling hopeful.

Thursday, June 13, 2013

මෙ හෙ ව් | ර ටේ..

විදුලි බිල
අඩු කරගන්න

ගෙදර වටේ,
ඇතුලේ
ලයිට් ඔක්කෝම
ඕෆ් කරගෙන

සාලේ
පොඩි සීඑෆ් එල් එකක්
පත්තු කරන්

අඟල් විසිහතරේ
පොඩි රීවී එකෙන්

අයිටීඑන් එකේ
"විමසුම"
බලන අපේ උදවිය
ණය බරින් පීඩිතව
දින සති ගනන් ගෙවෙනවා...
ජීවිතේ මිහිරියි කියන කාලේ
අමිහිරිව ගෙවෙනවා...
විරැකියාවෙන් ගෙවෙන ජීවිත
ලෝකයටත් බරක් බව හැඟෙනවා...
කොහේවත් ඉන්න දෙවියන්ට පිං දෙන එකත්
අද ඉඳන් මම නවත්තනවා...
රුපියල් සත වලට
මුලු ජීවිතයම සින්න කරනවා.....
දිනුම් ඇදලා හම්බෙන
කෝටියට වඩා...
අතේ තියෙන රුපියල් විස්ස
වටින නිසා
මම
ලොතරැයි ගත්තේ නෑ....
මූණට රවාගෙන යන
ගොඩක් මිනිස්සු
කවදාහරි
හිනාවෙන්න බලාගෙන ඉන්න බව
මම දන්නවා....
හිතවත්කමට නෙමෙයි...
කින්ඩියට..