Thursday, October 25, 2012

ගමේ සුවඳ

ගමේ සුවඳ
කහවනුවලට
දිය කර..
හිරිවැටුනු බඹර තුඩට
සුවය සදන..
ගමේ සිහිල හැරදා
කොළඹ ආ ඇය..
කොළොම්පුරේ සිට සැදු
සිහින මාලිගාව
අහිමිව..
මාරයා සමග
සටන් කරමින්..
අන්න
ජාතික රෝහලේ
ඇඳක් උඩ...
රොන් ගත් බඹරුන්
එයිද පිළිසරණට...
ගමේ නෑයන්
එයිද මලගමට...

Wednesday, October 24, 2012

මගේ හදවත පිච්චෙනවා..
මට මේ කිසිදෙයක්
තේරෙන්නේ නෑ..
ලන් වෙන්න පැතුවාට
සෙවනැල්ල වගේ..
සුලඟක් වෙලා වත්
දැවටෙන්න අවසරද..
නුබේ ඔය වතේ..
මුව පුරා හිනැහෙන්න
ආසයි මට ඉතින්..
ඒ නැතත් නුඹෙ සිනහවම
පතමි මම ප්‍රියේ...
තරහක් නෑ නුඹ විඳින්න
මට අහිමි ජීවිතේ...
දැන්
ආදරේ විකිනෙන්නේ
තුට්ටු දෙකට
කොටුවේ
පේමන්ට් එකේ..

ඉස්සර තමයි
ලන්සු තිබ්බේ
වෙන්දේසියේ...

Tuesday, October 23, 2012

ඔයා දන්නවද,
මගේ ආදරේට
ඩොලර් රේට් එක
පරාදයි....
රුපියලට
හැරෙන්නවත් බෑ
ඒකත් එක්ක
ඔයා
අහක බලාගෙන
ගැහුවත්
හරියටම
වදින්නේ
මගේ නිල වලට....

මම
හරියටම ඉලක්කේ අල්ලලා
ගැහුවත්
වදින්නේ
කොහේවත් තියෙන
පඳුරකට...
මට කතා කරන්න බෑ
උපතින්ම ගොලුයි
මම ජීවත් වෙන්නේ
කුලී වැඩ කරලා

මගේ අත් දෙකම නෑ..
මම ජීවත් වෙන්නේ
වලන් හදන වැඩපලක
කකුල් දෙකෙන් මැටි අනලා
හම්බවෙන මුදලින්...

මම උපතින්ම අන්දයි
මම ජීවත් වෙන්නේ
පාරේ සින්දු කියලා
හම්බෙන මුදලින්...

මගේ කකුල් දෙකම නෑ..
මම ජීවත් වෙන්නේ..
රෝද පුටුවෙන්
පාරවල් ගානේ ගිහින්
ලොතරැයි විකුණලා...

මම හොඳට ඉගෙනගෙන
කාර්‍යාලයක ගිණුම් වැඩ කරන්නේ...
මම කැතයි, කලුයි, කොටයි කියලා
එයා මට කැමති උනේ නෑ,
මට ඉතින් මෙහෙම ජීවත් වෙලා වැඩක් නෑ,
මං යනවා මැරෙන්න...


*කවියක් නම් නෙමෙයි, කියවලා ගන්න තියෙන දෙයක් ගන්න... එහෙම දෙයක් හම්බුනේ නැත්නම් කතා කරන්න.. :)
මම
අමාරුවෙන්
ඔයා කැමති දේවල් වලින්
තරාදිය බැලන්ස් කරන්න හදද්දි...

ඔයා
මං අකමැති දේවල් දාලා
එක පැත්තක බර වැඩි කරනවා...

ඇයි දෙයියනේ අපිට
මීට වඩා ආදරෙන් ඉන්න බැරි...?

Monday, October 22, 2012

අඬන්නට කඳුලු නෑ මට

නුඹට දුන්නු ජීවිතේ
නුඹට එපා නම්
නුඹට දුන්නු ආදරේ
නුඹට එපා නම්
නුඹට දුන්නු මෙ හිත
නුඹට එපා නම්

නුඹට මා මෙන්
මටද නුඹ අහිමි නම්

රැගෙන යන්න සියලු මතකයන්
තවත් අඬන්නට
කඳුලු නෑ මට නම්..

නුඹේ රුව

ගලවලා දැම්මා මම
බිත්ති පුරා තිබුන
දූවිල්ලෙන් වැසුන
පින්තූර ඔක්කොම...

කැත පින්තූර මොකටද
සුදු පාට බිත්තියට
බලන බලන තැන
නුඹේ රුවම පෙනෙනකොට

දෑස් පියා සිටියත්
දෑස් ඇර බැලුවත්
පෙනුනේ නුඹේ රුවමයි තව තවත්
පින්තූර එල්ලන්නේ නෑ මම තවත්
තීන්ත ඉහිරිලා සැමතැන
පින්සල් විසිරිලා තැන තැන
බාගෙට නිමවූ සිතුවම් ගොඩ අතන
ඒත්,
තාමත් ආදරෙන් අඳිනවා මගේ පළමු සිත්තම....

ඒ සඳ ගැනයි


බොහෝ විට
වලාකුලු විත්
වසා සිටියත් නුඹ...

දකින සුලු මොහොතක පවා
සනසයි
මගේ හද නුඹ...

කවි පොත Missed

පරන කුණු ඔක්කොම
හොඳ හැටි අතුගාලා
ගුලිකර තඩි බක්කියකට
තද කර ඔබාලා

විසි කෙරුවා ලොබ කම්
පැත්තක තියාලා
අද උදේ නැගිට බලුවෙමි
කවි පොත සොයාලා

මලකෙලියයි ඒකත් මම
කුණු ගොඩටම විසි කරලා
නොදැනිම මගේ අත
ලොකු වරදක් කරලා

මගෙ තනිකම ගැන නුඹ විතරයි
දැනගෙන උන්නේ..

හිතට ආපු හැම මගුලම
එතනනෙ තිබුනේ...

දුටුවොත් මගදි මගහැරදා
නුඹ නොයන්නේ...
පිං සිදුවෙයි පොත හැකිනම්
රිටර්න් කරන්නේ...

Sunday, October 21, 2012

නොමැරෙන
කෙනෙකු ලෙස
ජීවත් වෙන්න
එපා...
මගේ හතවත ලිපේ තියලා
ඔයා යන්න ගියා...
හැඟීම් සිතුම් ගිණි දලු ලා
හොඳටම ඇවිලෙනවා...
දරාගන්නට බැරි තරමටම
හදවත පිච්චෙනවා...
හඳුනාගත්තොත් ඉතින්
ඔබ මා....

එකම concept එක, වෙනස් විදියට

ගමේ කඩේ
_________________
ණයට ඉල්ලා
අමනාප නොවන්න...

නගරේ කඩේ
_________________
VISA/ Master card
accepted

Thursday, October 18, 2012

හිතාගත්තාට
වහලාම තියන්න
අදත් අමතක උනා
යතුර ගන්න
හැම එකාම ට්‍රයි
හොරෙන් රින්ගන්න
අහුමුලුවල
කුනු හොයන්න
තනිකමින් හමදාම
මම උන්නේ කාමරේ
ලඟකදි ඉඳන් දැල් බැඳන්
මකුලුවෙක් කෙලවරේ

ඊයේ වෙනකන්ම
ඌ හිටියා පාඩුවේ
අද මෙන්න පැටලිලා
තව එකෙක් උගේ දැලේ

තනිකඩව හිටි වෙලේ
ඌ හිටියා මං වගේ
ඌත් දැන් හිනාවෙන්නේ
මට කින්ඩියට වගේ

ඇයි යකෝ බොටත් දැන්
මුල අමතකයි වගේ
දැන ගනින් උඹ ඉන්නේ
තවම මගේ කාමරේ

කේන්තියෙ නිසා මන්
කිව්වේ සැරයෙන් වගේ
දැල දමා උන් ගිහින්
බලනකොට අද උදේ

මට පුරුදු තනිකමේ
ආයේ තනි උනා වගේ
ගිය තැනක සතුටින් ඉඳින්
මගෙ මකුලු යාලුවේ..

Wednesday, October 10, 2012

වතුර 1%කුත්
හැඟීම් 99%ත්
එකතු වෙලා
හැදුන කඳුලක්
ඔන්න දැනුත් වැටුනා...
පාළුවයි තනිකමයි
ගොඩ ගැහුන කාමරේ...
ආදරේ අරගෙනම ආවොත්
අද උනත් ඉඩ තියේ...
මහ දවල් දුටු හීන
එසැනෙකින් සැබෑවේ..
මගේ හීන ලෝකෙටත්
හොඳ කලක් උදාවේ...

Tuesday, October 9, 2012

කාමරේ මුල්ලක තනිවෙලා උන්
සිතුම් පොදි එකිනෙක අරන්
තුඩු කැඩී පරන වී ගිය
පැන්සල් කොටත් එකතු කරන්
කෙලවරක් මීයන් කා දැමු
කැන්වස් රෙද්දකුත් දිගහැරන්
රැයක් නිදිවරා ඇන්ද සිතුවම
මෙන්න බොලේ අද හොරු අරන්...
පිළිවෙලක් නැති මගේ සිතිවිලි
එකින් එක ගෙන අමුනලා
ලියූ කවි ඇති හැම කොලේකම
කාමරේ හැමතැන විසිරිලා

මගෙන් අවසර නොගත් සුළඟක්
අද හවස මෙහි පැමිනිලා
නුඹට ලියු කවි එකක් නෑරම
හිරු සඳුට ගෙනිහින් පවසලා

කවිත් නෑ මට නුඹත් නෑ අද
මගේ කාමරේ මම තනිවෙලා
තනිකමත් මට අහිමි කර අද
හිරු සඳුත් එකවර පායලා

නිකන් තිබිලම වල් වැදීලා
පාලු වී ගිය හදවතක්
සින්නක්කරව ලබාගෙන
සංවර්ධනය කිරීමට කැමති අයෙක්
වෙතොත් අමතන්න..
දෑසත් පියා
සුදුවතින් සැරසිලා
දෑතත් එකට බැඳ තබා
නුඹ ඉඳියි අද සැතපිලා..

වෙනදා නුඹ සිටියා
මා එනතුරු දොරකඩට වෙලා
සිනහව කතාව නැවතිලා
නුඹ ඉඳියි අද සැතපිලා..

මා තවමත් හිඳියි
නුඹ ලඟටම වෙලා
මගේ රන් කඳ ඇයි මා තනි වෙලා
නුඹ ඉඳියි අද සැතපිලා..

මගේ ජීවිතෙත් මග නැවතිලා
නුඹේ චරිතය හදිසියේම නවතලා
යන්නේ කොහේද ප්‍රියේ මා දමා
නුඹ ඉඳියි අද සැතපිලා..
ඇති එකා වෙත
පෝලිමේ එති
කෙල්ලෝ ආදරේ
ඉල්ලලා...

නැති එකා හට
මොකෙක්වත් නැති
හිතෙහි ආදරේ
පල් වෙලා..

Monday, October 8, 2012

ආයුර්වේද සම්බාහන

ඇඟ
අතගාගන්න 1000යි...
ඇඟ
අතගානවනම් තව 1000යි
අඟත්
අතගාගන්නවනම්
තවත් 500යි
අනිත් ඒවා ඔප්ට්ශනල්

Wednesday, October 3, 2012

අතට අසුවන
හැඩ ගලපමින්
මවා ගත්තෙමි
නුඹේ රුව මම

කනට ඇසෙනා
හඬ ගලපමින්
මවා ගත්තෙමි
නුඹේ හඬ මම

තනිවෙලා මම
අඳුරු ලෝකෙක
එළිය කවදද
දකින්නේ මම

දහසකුන් නෙක
ප්‍රශ්න අසමින
ලොව දකින්නට
වෙර දරමි මම

නිරතුරා මගේ
ලඟම රැඳෙමින
අඳුරු ලෝකෙට
පහණ වුනි ඔබ

හෙට දිනක යලි
එලිය දකිනට
දිරිය දුන් ඔබේ
හඬ නොමැත අද

වෙනදා උදයෙම
ලඟට විත් හිඳ
නලලත සිඹ
උනි මා තුරුල් කර

මහ සෙනග විත්
කෑ ගසන හඬ
සමහරෙකු ඉඳහිට
ඉකි ගසයි තව

ඇසුනි සමහරු
විමසනා හඬ
අර ඉන්නේ තනි වුන
කොලු පැටියා නෙව

දින දෙකක් ගතවුනි
නොනිදාම මම
ඔබේ හඬ තවම නෑ
ඇසුනේ මගේ කනට

මටත් නොකියා
නුඹ ගොසින් ඇත
මගේ ලොව තිබු
එකම පහණ් සිල

පතමි නුඹ හට
උතුම් බුදු බව
මතු සසරෙ
උපදිනා භවයෙක
මම ගැහුවා
වඳුරු තඩියෙකුට
තඩි ගලකින්....

ඩෝං.....

අප්පටසිරි...
ජනෙල්
වීදුරුව කුඩු...

ගල ගහලා තියෙන්නේ
වීදුරු ජනේලෙන්
මෙහා පැත්තේ ඉඳන්නේ.... :(
අලුතෙන් හැදුන
පාලම දෙස
කඳුලු මුසු සතුටකින්
පාලු පාරුව මත ඉඳ
බලා සිටින තොටියා නුඹ....

අලුත් පාලමේ
උජාරුවෙන් ඇවිද යන
මුල අමතක
නැහැදිච්ච කොල්ලා මම...


ලෝක දෙකක
තනිවූවද
එකම ඉර හඳෙන්
එලිය ලබන අප....
ඇවිද යන්නට
නුඹත් සමගම
එන්න හිතුනද
ඉඩක් නෑ මට

සිහින අහසක
තනිවෙලා මම
නුඹ මගහැරුනු
තැන ඉතින්

නුඹත් සමු ගන්නේ නෑ
මමත් සමුදෙන්නේ නෑ

පරව යනමුත් සිහින
පැතුම් ගිලිහෙන්නේ නෑ..

Tuesday, October 2, 2012

හිතට නිවනක්
නැති උනොත් මම
ඔහේ කවියක්
ලියනවා

ලියන්නට කවි
වදන් නැති විට
පරණ ගොනුවෙත්
සොයනවා

සොයාගත් කවි
එකින් එක ගෙන
වැරෙන් පොලවේ
ගසනවා

එවන් විටකදි
මගේ හිතටත්
ලොකුම අඩුවක්
දැනෙනවා

ඉතින් ආයෙම
වරක් ඔබ ලඟ
තුරුලු වෙන්නට
හිතෙනවා
කොලේ,
මලේ,
ගෙඩියේ
බර
වැලට ගානක් නැති උනාට....
බලන් ඉන්න උන්ට තමයි
අමාරුව...
පුළුවනි නම් ඔයාට
එකම අවස්ථාවක් දෙන්න
ජිවිත කාලයක්ම
ඔයාගෙ හිත ලඟට වෙලා ඉන්න මට
ඔයා ලඟට වෙලා මොහොතක් ඉන්න...